Eg eiti Ruth millum Garðarnar og eri 41 ára gomul. 

Eg eri fødd og uppvaksin á Tvøroyri, har eg búgvi saman við makanum og børnunum, sum eru 3, 13 og 15 ára gomul. 

Seinastu árið havi eg starvast á Suðuroyar Ellis- og Røktarheimi.

Eg stilli upp til býráðsvalið á Tvøroyri, tí eg havi nakað uppá hjarta og ynski at gera mun okkara borgarum og okkara kommunu at frama.

Míni hjartamál eru:

Eldraøkið

Børn og ung

Fríðkan av kommununi

Annars eri eg áhugað í øllum, sum gongur fyri seg í okkara kommunu og vil gera mítt til, at vit í felag og í samstarvi við hinar kommunurnar fáa vent neiligu gongdini í Suðuroynni og fyrireika okkum til komandi Suðuroyartunnilin.

Eg vil arbeiða fyri opinleika og gjøgnumskygni, og at allir borgarar kenna seg hoyrdar, virdar og sæddar, sum eigur at vera ein sjálvfylgja í einum fólkaræði.