Hví ikki stilla upp?

Kommunalpolitikkur snýr seg um gerandisdagin hjá okkum øllum. Hevur tú eina meining um barnaansing, eldrarøkt, mentan, ítrótt, vegir, lendisgøtur, bussleið, gøtuljós, svimjihylar, burturkast, parkering, byggiloyvi, grøn øki, spælipláss, vatnveiting, havnaøki, hegnskyldu, ungdómshús ella alt hitt, ið fyllir í kommununi, hví ikki stilla upp?

Set teg í samband við tey, ið umboða listarnar í tíni kommunu. Í Tórshavnar kommunu og Klaksvíkar kommunu stilla politisku flokkarnir upp. Í hinum kommunum eru ein ella fleiri listar, ið lýsa við uppstilling.

Til ber at spyrja í tíni kommunu, um hvør umsitur listarnar.

Sí yvirlit yvir kommunur her