Kommunuvalið 8. november 2016 gjørdist eitt stórt fet fram móti størri javnstøðu. Av teimmum 201 persónunum, sum vórðu vald í tey 29 kommunustýrini, vóru 64 kvinnur, svarandi til 32%. Hetta er methøgt og ein munandi framgongd síðan seinasta kommunuvali í 2012, tá kynsbýtið var 72% menn og 28% kvinnur. Í 2008 var kynsbýtið 69,5% menn og 30,5% kvinnur, og í 2004 taldu kvinnurnar bara 22%. 

Í flestu kommunustýrum eru menninir í fleirtali, men fimm undantøk eru: Fugloy, Húsavík, Skálavík, Sørvágur og Tórshavn. Í Tórshavnar býrað sita nú 8 kvinnur og 5 menn. Trý kommunustýri, Fámjin, Skúvoy og Sumba, hava ongar kvinnur, og fimm hava eina kvinnu. 

Demokratia fegnast um hetta fetið fram móti størri javnstøðu og ynskir øllum teimum valdu - monnum sum kvinnum - hjartaliga tillukku.